МИНИЙ ТУХАЙ

Жанцангийн Бат-Ирээдүй, миний бие 2?11 оны 4 дүгээр сараас МУИС-ийн МОНГОЛ СУДЛАЛЫН ХҮРЭЭЛЭНГИЙН захирлаар ажиллаж байна. 2008 оны 3 сараас 2011 оны 4 сар хүртэл Японы Токио Гадаад Судлалын  Их Сургуулийн зочин профессороор, 2010 -2011 онд Японы Гадаад Хэргийн Яамны Хэлний Төвд монгол хэлний багшаар уригдан ажилласан. Хэлшинжлэлийн ухааны доктор, Монгол Улсын Их Сургуулийн дэд профессор, Монгол хэлний үгийн сан, утга зүй, тользүй, англи-монгол зэрэгцүүлсэн хэлзүй, гадаад хүнд монгол хэл заах аргын чиглэлээр судалгаа хийдэг. Монгол хэлний үгийн сан, утга судлал, хэлзүй, Монгол аман зохиол, ёс заншил, гадаад хүнд зориулсан монгол хэлний заах аргын чиглэлээр 40 гаруй ном, сурах бичиг, гарын авлага бичиж дотоод гадаадад хэвлүүлсэн. МУИС, Их Британи, Умард Ирландын Нэгдсэн Вант Улсын Лондон, Кембриж, Лийдсийн Их Сургууль, Холбооны Бүгд Найрамдах Герман Улсын Лейпцигийн Их Сургууль, Японы Токио Гадаад Судлалын Их Сургуульд зочин багш, профессороор ажилласан.Английн Британы Номын сан, Японы Осака Хууль, Эдийн засгийн Их Сургуульд зөвлөх, зочин судлаачаар ажилласан. АНУ-ын Питсбургийн Их Сургуульд (2000) Дээд Боловсрол Судлалаар суралцсан. Английн Кембриж, Оксфордын Их Сургууль (2005-2006), Бритиш Кансел, (1991-1995 ) Германы ДААД (1999-2000), (2003-2005), Японы Осакагийн Хууль, эдийн засгийн их сургуулийн (2006 ) тэтгэлэг, нэрэмжит цалин хүртэж байсан. “Монгол ёс заншлын их тайлбар толь” бүтээлээр Японы энх тайвны төлөө шагнал хүртсэн. 2008 онд МУИС-ийн оны шилдэг багш өргөмжлөл, 2010 онд Япон дах шилдэг Монгол эрдэмтэн шагнал хүртсэн. Монгол Улсын Боловсролын болон Шинжлэх Ухааны Тэргүүний ажилтан цолтой.  Их Монгол Улс байгуулагдсаны 800 жилийн ойн медаль хүртсэн. 2001-2009 онд Монгол Улсын Ерөнхийлөгчийн Эрдэмтдийн Зөвлөлийн гишүүнээр ажилласан. 2008 оноос Монгол Улсын “Монгол хэл, бичгийн багш нарын үндэсний холбоо”-ны тэргүүнээр ажиллаж байгаа. АНУ-ын Маклайн Технологийн Институтийн зөвлөх.